Ofurhetjur.com

Það er nú aldeilis allt gott að frétta af litlu familyunni okkar! Við erum bara öll kát og spræk eins og alltaf og erum ótrúlega spennt að segja heiminum hvað litla gellan okkar á að heita! Við mæðgur erum búnar að vera að brasa allskonar hluti upp á síðkastið og erum sérstaklega duglegar við að heimsækja Steinunni bumbulínu og Patik Dag - förum þangað á hverjum degi. Svo erum við líka dugleg að kíkja á ömmuna, afann og Þorgeir Kristján í Lindasmáranaum og ömmuna og afann í Vesturberginu. Andrea Lísa og Sigurlaug eru líka ansi duglegar að koma í heimsókn sem er alveg stórglæsilegt, þær eru alveg að standa sig í frænkuhlutverkinu! Andrea Þóra og family hérna uppi kíkja líka mjög oft á litlu gelluna þannig að okkur leiðist nú sjaldan. Fleira frábært fólk hefur líka látið sjá sig og er alveg æðislegt að sjá hvað það eru margir að hugsa til okkar og það er sko alltaf opið hús hérna hjá okkur og allir velkomnir í heimsókn.

Litla skvísan er rosa vær og góð. Hún hefur reyndar aðeins verið að stríða mömmu og pabba og látið okkur finna fyrir því að það þarf nú aðeins að hafa fyrir henni því hún veit sko hver ræður. Hún hefur sumsé aðeins verið í því að vaka heilu og hálfu næturnar og verið svo bara eiturhress á morgnanna eftir smá lúr. Það er nú samt allt í lagi aðeins að láta hafa fyrir sér.

Við mæðgur skelltum okkur á Grand Hotel í dag á Orkuþing að sýna Vetnishúsið góða. Ásdís Iða og litla skvísan voru ótrúlega góðar þarna á fyrirlestrunum og létu bara háttvirta Orkumálaráðherra heyra það! Við settum inn nýjar myndir í Október-myndaalbúmið af því sem drifið hefur á daga okkar upp á síðkastið, til dæmis skruppum við mæðgur og Steinka og Patti heimsóttum Þórunni og litla prinsinn og svo eru þarna líka nokkrar myndir af litlu gellunni í ,,Music makes you loose control!” bolnum sínum - þessi skvísa lærði sko strax í móðurkviði hvernig tónlist er góð og veit allt um það að ,,God hates Techno” eins og stendur framan á einum bol sem mamman var svo oft í á meðgöngunni! Hún er svo skörp þessi elska!

Mér fannst fingramálið á þessari mynd bara alltof fyndið - ég varð að láta hana fylgja með! Ég var búin að vera að taka fullt af myndum af henni og hún orðin örlítið pirruð á þessari myndatöku.. eins og sést!