Ofurhetjur.com

Ekki er ráð nema í tíma sé tekið

Wednesday - 31.January 2007

3661

Í gær og í dag erum við búin að fá mikið af pósti, í gær fengum við ,,sundhedskort” með dönsku kennitölunum okkar til að nota þegar við förum til doksa. Í umslaginu hennar Ninju Tíbrár var kortið hennar og bréf. Ég var viss um að þetta væri eitthvað svona krúttlegt ,,velkomin í landið litla barn” bréf en hafði nú aldeilis rangt fyrir mér! Bréfið var til útfyllingar um það hvort Ninja Tíbrá ætti að vera Organ Donor! Þetta fannst mér nú alveg tú mödds, 5 mánaða gamla barnið mitt þarf ekki alveg strax að fara að huga að dauðanum. Spurning hvort danirnir séu svona óskaplega skipulagðir, skipuleggi jarðarförina með fæðingunni og að hér sé ,,ekki er ráð nema í tíma sé tekið” algilt.
Í dag fengum við svo Dan-kortin okkar. Í danaveldinu virkar það þannig að hvergi getum við notað vísa-kort nema að þau séu sérstök dönsk vísakort sem okkar ramm-íslensku eru að sjálfsögðu ekki þannig að það var ekkert annað í stöðunni en að redda sér Dan-kortum. Á Dan-kortinu mínu stendur: Anna Kristjansdottir! Þvílíkur sigur - loksins er ég orðin alnafna kynskiptingsins margfræga, eins gott að hún komi ekki að nappi af mér kortinu! Við eigum greinilega meira sameiginlegt en nafnið, mér finnst ég enganveginn eiga að heita Anna Kristjansdottir, það er hreinlega ekki ég og henni fannst hreinlega ekki að hún ætti að heita Kristján eða hvað hún hét fyrir aðgerð.

3 komment

  1. Já það fá víst allir svona líffæragjafarkort, hvort sem þeir eru 5 mánaða eða 50 ára…. allavega fékk ég líka svona þegar ég skráði mig inn í landið. En annars til hamingju með Dan-kortið, svaka þægilegt að vera með það og nú geturu alveg misst þig á HM.com ;) hehe

    Komment by Guðný — Wednesday - 31.January 2007 @ 21:55

  2. Jii… ég man þegar Gaui Björns gat ekki sagt Anna Sigga… Hann kallaði þig alltaf Önnu…! ;) Vonandi gengur allt vel hjá ykkur! *knúsjú*

    Komment by Nanna — Thursday - 1.February 2007 @ 09:14

  3. Hæ hó… Ég trúi ekki að þú hafir fengið Dankort… Það er greinilegt að það skiptir hvort maður sé Jón eða Séra Jón hehe…

    Ég er búinn að búa hérna í tvö ár og hef ekki enþá fengið Dankort og það finnst mér algert svindl. Ástæðan er sú að ég sé ekki með fastar tekjur hér á landi sem er fáránleg ástæða, ég get ekki notað nein kort nema í einstökum búðum. Stundum get ég notað íslenska kortið mitt meira að segja en það er búið að kosta mig skildinginn.

    En að öðru þá bara eigið þið góðar stundir og það verður gaman að kíkja í kotið við tækifæri. Ég er að fara til Ítalíu í viku núna á sunnudaginn en var búin að ákveða að kíkja í heimsókn, geri það bara síðar.

    Har det godt…
    Hilsen Bjössi

    Mætti ég forvitnast og spyrja í hvaða banka þið fóruð? Ég er með viðskipti við Danske Bank og mæli ekki með þeim banka.

    Komment by Bjössi — Thursday - 1.February 2007 @ 10:59

RSS feed fyrir kommentin á þessa færslu - TrackBack URL

Kommentaðu