Ofurhetjur.com

Í síðustu viku reyndi litli skæruliðinn okkar að standa upp á miðju gólfinu. Hú var á fjórum fótum og spennti svo lappirnar þannig að hún stóð í þær og sleppti svo höndunum til að standa almennilega upp en hafði ekki jafnvægi í þessar æfingar þannig að hún datt beint á andlitið. Ég var að fylgjast með henni og sá fallið þannig að það kom mér lítið á óvart þegar ég tók hana upp og hún tuffaði blóði framan í mig. Tennurnar tvær í neðri góm kýldust semsagt á bólakaf upp í tannlausa efri góminn og það blæddi alveg töluvert mikið og lengi. Hún jafnaði sig nú ótrúlega fljótt og var aftur farin að æfa sig í að standa og labba eftir lúr. Hún var samt ansi varkár út vikuna, það mátti enginn koma nálægt munninum og hún vildi bara vera með duddu. Hún er orðin alveg ótrúlega dugleg að standa - stendur hérna upp við allt og alla og er farin að labba aðeins meðfram, taka nokkur skref. Svo skríður hún útum allt þess á milli, þetta er yndislegur tími. Hún er búin að vera ansi kelin upp á síðkastið, hingað til hefur hún ekki viljað of mikla ástúð því það er svo mikið að gera hjá henni, hún hefur ekkert tíma í svona knúserí en núna knúsar hún okkur og kyssir í bak og fyrir (eins og sést á myndinni) og er ótrúlega mikið aaaaaaaa, enda er hún yndislegasta barn í veröldinni!

Veðrið hjá okkur er búið að vera unaðslegt upp á síðkastið þannig að við erum bara búin að vera úti! Suma daga hefur verið það heitt að Ninja Tíbrá er bara á samfellunni. Í síðustu viku brölluðum við margt skemmtilegt - við fórum í sund, fórum í mömmuklúbb til Ríkeyjar, fórum í bæinn, fórum í göngutúra, fórum í garðinn, borðuðum góðan mat og skemmtum okkur konunglega í sólinni. Í kvöld ætlum við til Ríkeyjar, Hauks og Eiríks Ingimars að grilla sparirifbein - namminamm og á morgun ætla ég að halda mömmuklúbb og bjóða gellunum upp á eitthvað ægilega gott í hádegismat.

Jæja, við mæðgur ætlum að drífa okkur aftur út í sólina =)