Ofurhetjur.com

Ninja Tíbrá er búin að jafna sig á heilahristingnum, vírusnum og veikindunum. Hún var með rúmlega 40°c hita þegar hitinn fór hæst en fékk sem betur fer ekki hitakrampa eins og ég fékk alltaf þegar ég var lítil. Vikan fór semsagt í veikindi, ærlega inniveru og kósýheit. Fritz er fluttur niður í skóla þangað til á mánudaginn (..eða svo gott sem fluttur - hann er þar nótt sem nýtan dag.) Hann er alveg ótrúlega duglegur og við erum alveg ægilega stoltar af okkar manni! Hann er búinn að standa sig þvílíkt vel, mætir í skólann eldsnemma og kemur heim seint og hefur samt orku í að knúsa okkur, búa til rúm handa Ninju Tíbrá, vaka á nóttunni yfir veikri prinsessu og vera yndislegur þrátt fyrir afar takmarkaðan svefn! Á mánudaginn kemur eru skil á verkefninu í prent þannig að þá kemur hann heim og fær smá frí - veiii! Hann smíðaði semsagt rúm handa Ninjunni, geggjað flott rúm sem við eigum bara eftir að klára að mála og þá þarf litla strumpan að sofa ein, ég á líklegast eftir að sakna hennar meira en hún okkar hehe.

Við mæðgur skelltum okkur upp í lestina í gær og fórum úr í Odense og ætlum að vera þar yfir helgina. Guðný dekrar við okkur hérna og það er rosa gaman hjá okkur skvísunum. Guðný skrapp út í búð til að kaupa allt sem þarf til að gera konfekt, við erum svo miklar húsmæður að við ætlum að gera konfekt! Við vorum að koma úr dýragarðinum og í kvöld erum við að fara í júróvisjóngrillveislu hjá íslensku læknanemunum þannig að það er heldur betur stuð hjá okkur. Við förum svo líklegast heim bara á mánudagsmorguninn, þegar Friðgeir og hópurinn hans verða búin að skila í prent og hann búinn að endurheimta líf sitt ! =)

Næstu helgi koma svo Andrea og Jakob og ég er gjörsamlega að missa vitið úr spenningi - helgina eftir það koma mamma, pabbi, Þorgeir Kristján, Steinunn, Siggi, Patrik og Ísabella og ég er að missa svefn úr spenningi yfir því þannig að þegar allt þetta fólk loksins kemur verð ég búin að tapa geðinu - ég er sko búin að bíða ALLTOF lengi eftir að knúsa þau!