Ofurhetjur.com

Það er aldeilis búið að vera stuð í kotinu okkar síðustu vikuna! Andrea, Jakob og Róbert (litli bróðir Andreu) komu til okkar á föstudagskvöldið og síðan þá er að sjálfsögðu búið að vera mikið fjör. Við erum búin að fara í dýragarðinn, spítalann, göngutúra, búðir og versla alveg böööns og skemmta okkur konunglega. Í gær fórum við á Skagen, sem á að heita fallegasti hluti Danmerkur. Þar komu menn allstaðar að í gamla daga til að mála myndir í fallegu birtunni sem þar er. Þar mætast tvö höf og slást um yfirráðasvæði, öldurnar lemja hvora aðra. Þar var nú ansi fallegt en ekki tókum við nú samt upp trönurnar og penslana því málningar-andinn kom ekki yfir okkur þó svo við værum á Skagen. Í gærkvöldi grilluðum við svo dýrindis grillmat, meðal annars beikonvafðar hvítlauks-, súkkulaði- og ostapylsur, pylsur einungis með súkkulaði og sveppapylsur! Ég setti inn vænan skammt af myndum frá síðustu dögum, ég er nú bara ekki frá því að ég sé duglegust á öllu internetinu í myndainnstenginu!

Á morgun ætlum við að eyða aðeins meiri tíma í búðum og fara í tívolíið! Það er búið að vera yndislegt að hafa þau hjá okkur - væri helst til í að þau myndu flytja inn í íbúðina hérna við hliðina! Á föstudaginn fara svo gestirnir okkar heim á klakann þar sem snjóaði í gær - aumingja þau, híhí. Í staðinn koma mamma, pabbi, Doddi, Steinka, Siggi, Patti og Ísabella - það verður nú ekki heimsókn af verri endanum! Tívolí, Legoland, Sömmerland, Toys’r'us, H&M - þetta verður allt saman skoðað í þaula og ég efast ekkert um að við eigum eftir að skemmta okkur konunglega og rúlega það! Þá verður Danmörk skoðuð þver og endilöng úr strumpastrætó (9 manna bílaleigubíl) og þá verða ennþá meiri innilegheit hérna á stofugólfinu hjá okkur á flatsænginni í 57 fermetra íbúðinni okkar! Veiiiiii hvað lífið er skemmtilegt! =)